فلپائن ، انتخابات سانگے پولنگ شروع تھیونڑ توں پہلے حملے وچ 7بندے ہلاک

منیلا۔ 9 مئی (اے پی پی) فلپائن وچ انتخابات سانگے پولنگ شروع تھیونڑ توں پہلے چھاپہ مار حملے وچ 7بندے ہلاک اتے ہک زخمی تھی گیا۔ مقامی پولیس دے مطابق دارالحکومت منیلا دے جنوب وچ روساریو قصبے وچ سونوار دی سویل نامعلوم مسلح بندیاں ہک جیپ اتے ڈوموٹر سائیکلاں جیرھے ہک کانوائے دا حصہ ہن تے چھاپہ مار حملہ کیتا جیندے دوران فائرنگ دے نتیجے وچ 7بندے ہلاک تھی گئے۔ مقامی پولیس ڈسایا جو الیکشن توں پہلے پرتشدد واقعات وچ ہنڑ تائیں 15بندے ماریے گئے ہن۔