اسلام آباد ۔ 19 مئی (اے پی پی) قومی تریمتاں دی کرکٹ ٹیم جون اچ انگلینڈ دا دورہ کریسی جتھاں او میزبان ٹیم دے خلاف ترائے ون ڈے اتے ترائے ٹی 20میچ دی سیریز کھیڈسی ۔ڈوہیں ٹیماں وچال ون ڈے سیریز دا پہلا میچ 20جون کوں کو لیسٹر، ڈوجھا 22 جون کوں ووسٹر اتے تریجھا ون ڈے 27 جون کو ںٹونٹن اچ کھیڈیا ویسی۔ ایں طرح ترائے ٹی 20میچاں دی سیریز دا پہلا میچ3 جولائی کوں برسٹول، ڈوجھا 5 جولائی کو ںسائوتھمپٹن اتے تریجھا 7 جولائی کوں چیمسفورڈ اچ کھیڈیا ویسی۔
