قاہرہ۔ 20 مئی (اے پی پی) مصری مسافر بردار طیارے دے حادثے دی ذمے واری دہشت گرد گروہ داعش قبول کر گھدی ہے ،مصر دا اے 320مسافر بردار اے طیارہ پیرس توں قاہرہ امدا پیا ہا جیرھا جو خمیس دی رات بحیرہ روم دی فضا اچ ریڈار توں لاپتہ تھی گیا ۔ایں توں پہلے مصر دے وزیر ٹرانسپورٹ اعلان کیتا ہا جو ایں گالھ دے امکان کوں مسترد نی کیتا ونج سگدا جو طیارہ دہشت گردی دا نشانہ بنڑایا گیا ہووے ۔البتہ انھاںآکھیا جو جڈاں تئیں طیارے دی صورت حال واضح نی تھیندی تاں اینکوںلاپتہ ہی قرار ڈتا ویسی ۔
