مصری مسافر طیارہ پیرس توں قاہرہ ویندے ہوئیں لاپتہ تھی گیا

قاہرہ۔ 19 مئی (اے پی پی) مصری ایئر لائن دا طیارہ پیرس توں قاہرہ ویندے ہوئیں لاپتہ تھی گیا۔مصری خبر رساں ادارے دے مطابق مصری فضائی کمپنی دی پرواز نمبر 804 پیرس توں قاہرہ امدیں ہوئیں مقامی ویلھے دے مطابق رات 2وج تے 45منٹ تے لاپتہ تھی گی ۔ایئر لائن دا آکھنڑ ہے جو مصر دی حدود اچ داخل تھیونڑ توں 10منٹ پہلے طیارے دا رابطہ زمینی کنٹرول نال منقطع تھی گیا ۔حکام دے مطابق طیارے اچ عملے دے 10ارکان سمیت 69مسافر سوار ہن ۔مصر دے ایوی ایشن حکام ولوں تحقیقات دا آغاز کر ڈتا گے۔