اسلام آباد ۔ 3 مئی (اے پی پی) قومی فضائی کمپنی (پی آئی اے) دے چیف اپریٹنگ آفیسر برنڈ ہلڈن برینڈ ملتان اچ پی آئی اے دے تربیتی مرکز دا افتتاح کر ڈتا۔ ایں تربیتی مرکز اچ فضاءاچ جہازاں دی مرمت دی تربیت اتے ایوانکس انجینئرنگ دی ڈو سالہ تربیت ڈتی ویسی۔ پی آئی اے ترجمان دے مطابق ملتان توں پہلے کراچی، لاہور، راولپنڈی، پشاور، سوات، نواب شاہ اتے کوئٹہ اچ 8تربیتی مرکز قائم ہن۔ تربیتی پروگرام اچ توسیع دا آغاز 2014ءاچ کیتا گئیا ہا تے اکتوبر توں ہنڑ تئیں 7تربیتی مراکز قائم کیتے گئے ہن ۔انہاںمراکز اچ تقریبا 600طالب علم تعلیم گھندے پن اتے جیرھے پڑھ تے چلیے گئے ہن او ائرکرافٹ مینٹیننس انجینئرز دے طورتے کم کریندے پن۔ ملتان دا تربیتی مرکز ڈو کلاس رومز اتے ہک امتحانی ہال اتے ہک لائبریری تے مشتمل ہے اتے ابتداءاچ 28طالب علماں دا انتخاب کیتا گئیا۔ ایں موقع تے پی آئی اے دے چیف اپریٹنگ افیسرآکھیا جو ایں مرکز دے قیام نال علاقے دے لوکاں کوں ہوائی بازی دے شعبے اچ اپنڑاں پر کشش کیئر ر شروع کرنڑ دا موقع ملسی ۔
