پیرس۔ 30 مئی (اے پی پی) کیتھولک عیسائیاں دے مذہبی پیشوا پوپ فرانسس آکھیا اے جومہاجرین خطرہ نی بلکہ خطرے وچ ہن۔ویٹی کن سٹی وچ ہک تقریب دے دوران انہاں آکھیا جو عالمی برداری کوں مہاجراں دی دل کھول تے مدد کرنڑیں چاہیدی ہے۔پوپ فرانسس ایں موقع تے سینکڑاں مہاجر بالاں نال ملاقات کیتی۔ انہاں بالاں وچ نائجیریا توں تعلق رکھنڑ آلا ہک ایجھا بال وی شامل ہئی، جیندے ماں پیو یورپ پجنڑ دی کوشش وچ سمندر وچ ڈوب تے ہلاک تھی گئے ہن۔
