مہاراشٹر وچ بھارتی فوج دے ساریں توں وڈے اسلحہ ڈپو وچ بھاہ لگ گی، ڈو افسراں سمیت 17 فوجی ہلاک، 17زخمی

نئی دہلی ۔ 31 مئی (اے پی پی) بھارتی ریاست مہاراشٹر وچ واقع فوج دے ساریں توں وڈے اسلحہ ڈپو وچ بھاہ لگنڑ پاروںوچ ڈو افسراں سمیت 17 فوجی ہلاک اتے اتنے ای زخمی تھی گئے۔ بھارتی اخباردی رپورٹ دے مطابق مہاراشٹر دے علاقے پل وستی اچ واقع ایں اسلحہ ڈپو وچ بھاہ گزریل رات ڈڈھ توں ڈو وجے لگی جیندے بعد مسلسل دھماکے شروع تھی گئے۔ اسلحہ ڈپو وچ بھاہ دی وجہ نال نیڑے دے دیہات خالی کراگھدے گن ۔ واقعے وچ زخمی تھیونڑ آلے فوجی جواناں کوں 40کلومیٹر دور واردھا ہسپتال منتقل کرڈتا گئے ۔ بھارتی وزیر اعظم واقعہ وچ ہلاک تھیونڑ آلیاں دے لواحقین نال تعزیت دااظہار کیتاہے۔ حکام دے مطابق بھاہ تے وڈی حد تئیں قابو کر گھدا گئے۔