اسلام آباد ۔ 13 مئی (اے پی پی) وزیر مملکت پانڑیں تے بجلی عابد شیر علی آکھیا ہے جو میپکو اچ جونیئر انجینئر دے عہدیں تے بھرتیاں دا اعلان کجھ ڈینھ اچ کر ڈتا ویسی ۔ جمعہ کوں ایوان بالادے اجلاس اچ سینیٹر ڈاکٹر جہانزیب جمالدینی دے توجو ڈیوائو نوٹس دا جواب ڈیندے ہوئیں انہاں آکھیا جو میپکو اچ جونیئر انجینئر بی پی ایس 17 دے عہدیں سانگے ٹیسٹ انٹرویوز این ٹی ایس ولوں منعقد تھئے ہن ۔ ایں معاملے تے کاروائی کیتی ویسی تے وختی نتیجے دا اعلان کر ڈتا ویسی ۔ایں توں پہلے سینیٹر ڈاکٹر جہانزیب جمالدینی توجہ ڈیوائو نوٹس نوٹس تے آکھیا جو بلوچستان سانگے مختص کوٹے تے درخواست ڈیونڑ ؤلیاں دے نتیجے دا اعلان نی کیتا گئیا جڈاں جو بئے صوبیں اتے علاقیں نال تعلق رکھنڑ آلیںامید واراں اپنڑے عہدیں دا چارج سانبھ گھدے
