اسلام آباد ۔ 2 مئی (اے پی پی) گزریل مالی سال دے مقابلے وچ اجوکے مالی سال 2015-16ءوچ شروع دے نو مہیناں دے دوران جنریٹرز دی درآمدات وچ 42 فیصد دا ودھاراتھیا ہے ۔ ادارہ برائے شماریات پاکستان ( پی بی ایس) دے اعدادو شمار مطابق جاری مالی سال دے پہلے نو مہیناں دے دوران جنریٹرز دی درآمدات داحجم 139 ارب روپے تائیں ودھ گیا جڈانجو گزریل مالی سال دے دوران 94.5 ارب روپے دی درآمدات کیتیاں گئیاں ہن۔ رپورٹ دے مطابق جاری مالی سال مارچ دے دوران 15.89 ارب روپے مالیت دے جنریٹر درآمد کیتے گئے ہن جڈانجومارچ 2015ءوچ 8.56 ارب روپے دیاں درآمدات کیتیاں گئیاں ہن ایویں ای مارچ 2015ءدے مقابلے وچ مارچ 2016ءدے دوران درآمدات وچ 86فیصد داودھارا ریکارڈ کیتا گیا ہے تاہم فروری 2016ءدے مقابلے وچ مارچ 2016ءدے دوران درآمدات وچ 5 فیصد گھٹکی تھئی ہے۔
