اسلام آباد ۔ 26 مئی (اے پی پی) گزریل مالی سال دے مقابلے وچ اجوکے مالی سال دے پہلے نو مہینے دے دوران ہلکی کمرشل گاڈیاں دی مقامی پیداوار وچ 68.53 فیصد، کاراں دی پیداوار وچ 29.73فیصد اتے موٹر سائیکلاں دی پیداوار وچ 17.22فیصد دا ودھاراتھیاہے جڈانجو ٹریکٹراں دی ملکی پیداوار وچ 38.63فیصد دی گھٹکی تھئی ہے۔ ادارہ برائے شماریات پاکستان دے اعداد و شمار دے مطابق جاری مالی سال وچ ہلکی کمرشل گاڈیاں دی قومی پیداوار 29ہزار 529 یونٹس تئیں ودھ گی جڈانجو گزریل مالی سال دے پہلے نو مہینے دے دوران ملک وچ 17ہزار 521 چھوٹی کمرشل گاڈیاں دی پیداوار تھئی ہے۔ ایںطرح ایل سی وینز دی پیداوار وچ 69فیصد دا ودھارا ریکارڈ کیتا گیا ہے جڈانجوملک وچ تیار کیتی ونجنڑ آلیاں جیپاںاتے کاراں دی پیداوار وچ23 فیصد دا ودھارا تھیونڑ نال جاری مالی سال وچ پہلے نو مہینے دے دورانہاں دی پیداوار ہک لکھ 37ہزار 688یونٹس تئیںودھ گئی جڈانجو گزریل مالی سال دے ایں عرصے دے دوران کاراں اتے جیپاں دی پیداوار ہک لکھ 6ہزار 135یونٹس ریکارڈ کیتی گئی ہائی ایں طرح موٹر سائیکلاں دی قومی پیداوار گزریل سال دے ایں عرصے دے دوران 12لکھ 91ہزار194یونٹس توں ودھ تے 15لکھ 13ہزار 571یونٹس تئیں پج گئی ہے ۔ موٹر سائیکلاں دی پیداوار وچ 17فیصد توں ودھ دا ودھارا تھئے ۔پی بی ایس دی رپورٹ دے مطابق گزریل سال دے مقابلے وچ جاری مالی سال دے دوران ٹریکٹراں دی قومی پیداوار وچ 38.63 فیصد دی گھٹکی تھی ہے اتے انہاں دی پیداوار جاری مالی سال دے پہلے نو مہینے دے دوران 21ہزار 942یونٹس تئیں گھٹ تھی گی جیرھی گزریل مالی سال دے ایں عرصے دے دوران 35ہزار 753یونٹس ریکارڈ کیتی گئی ہئی۔
