کوئٹہ۔ 2 مئی (اے پی پی) وزیراعظم محمد نوازشریف آکھیا اے جو صحت پروگرام دا مقصد غریباں کوں علاج دیاں چنگیاں سہولتاں ڈیونڑ ہے ۔اج عوامی خذمتاں دے سفر دا ہک سنگ میل عبور کیتا ویندا پئے ۔ہک ہک شہری کوں سہولت ڈیونڑ تئیں اے سفر جاری رہسے ۔سنوار کوں گورنر ہاﺅس اچ کوئٹہ دے مستحق خانداناں اچ صحت کارڈ ونڈنڑ دی تقریب توں خطاب کریندے ہوئیں وزیراعظم آکھیا جو سکیم دے تحت جان لیوا خطر ناک بیماریاں دا مخت علاج تھیسی ،ہنڑ غریب کوں اپنڑے علاج سانگے اپنڑے گھر دا سامان نہ ویچنڑاں پوسی ۔مستحق لوکاں دے اعداد شمار بی آئی ایس پی دی فراہمی سانگے ضروری ہے جو ملک اچ امن و امان ہووے ۔بد امنی دے ماحول اچ روزگار دے مواقع نی ملدے ،اساں سرمایہ کاری سانگے سازگار ماحول ڈیندے پیوں ۔
