وزیراعظم محمد نوازشریف دی ڈبلیو ٹی اودے ڈائریکٹر جنرل نال ملاقات پاکستان کاروبار اتے سرمایہ کاری سانگے مثالی جاہ ہے ،ربرٹو ایزی ویدو

اسلام آباد ۔ 2 مئی (اے پی پی) وزیراعظم محمد نوازشریف آکھیا اے جو پاکستان علاقائی گھٹ جوڑ دی سرگرمی دی پیروری کرینداپئے اتے 46ارب ڈالر دی سرمایہ کاری دی حامل پاکستان چین اقتصادی راہداری اتے بنیادی ڈھانچے دے منصوبیں دا مقصد پورے خطے اچ تجارت کوں ودھاونڑ ہے ۔ انہاں اے گالھ عالمی تجارتی تنظیم (ڈبلیو ٹی او) دے ڈائریکٹر جنرل ربرٹو ایزی ویدو نال سنوار کوں وزیراعظم ہاﺅس اچ گالھ مہاڑ کریندے ہوئیں کیتی ۔وزیراعظم آکھیا سی پیک علاقائی ملکاں وچال تجارت اچ بہوں سارے ودھارے اتے علاقے دے کروڑاں عوام دی زندگی دا معیار چنگاں کرنڑ دی ودھ ساری صلاحیت رکھیندا ہے ۔وزیراعظم تجارت دی اہمیت کوں اجاگر کریندے ہوئیں آکھیا جو پاکستان گلوبل سپلائی چین اچ چنگی ہم آہنگی دے حصول سانگے تجارت متعلق اپنڑے قوانین کوں ہم آہنگ بنڑیندا پئے ۔پاکستان ڈبلیو ٹی او دے نال اپنڑی شراکت داری ودھاونڑ سانگے تیار ہے اتے بین الاقوامی مسابقانہ تجارتی تصورات دا خیر مقدم کریندے ۔وزیراعظم آکھیا جو موجودجمہوری حکومت دے تحت امن و امان دی صورت حال دے نتیجے اچ اقتصادی استحکام پیدا تھیا ۔انہاں آکھیا جو حکومت بجلی دی گھٹکی دے قابو پیندی پئی ہے ۔اتے کجھ بجلی گھراں دی تکمیل دے بعد 2018تئیں ایں مسئلے کوں پورے طور تے حل کرنڑ دی توقع رکھیندوں ۔انہاں آکھیا جو کراچی اچ امن بحال تھی گئیا ہے اتے کامیاب فوجی اپریشن پاروں دہشت گرد بجھدے پن