دوشنبے۔ 11 مئی (اے پی پی) وزیراعظم محمد نواز شریف دا تاجکستان دے ڈو ڈینھ دے سرکاری دورے تے دارالحکومت دوشنبے پجنڑ تے شاندار استقبال کیتا گئیا۔ تاجک وزیراعظم کوکھیر رسول زادو دوشنبے ایئر پورٹ تے وزیراعظم اتے انہاں دے وفد دا استقبال کیتا ۔ وزیراعظم نواز شریف دے نال وفاقی وزیر پانڑیں تے بجلی خواجہ محمد آصف اتے معاون خصوصی امور خارجہ طارق فاطمی وی دورے تے گے ہن ۔ وزیراعظم دی آمد تے ڈ و بالاں انہاں کوں گلدستہ پیش کیتا اتے گارڈز دے چاق تے چوبند دستے انہاں کوں سلامی پیش کیتی ۔ ایں موقع تے ایئرپورٹ تے قطاراں اچ کھڑے وڈی تعداد اچ روایتی لباس اچ ملبوس بالاں وزیراعظم دا استقبال کیتا۔ تاجکستان اچ پاکستان دے سفیر طارق سومرو، تاجک سفیر جونو نوف شیر علی اتے سینئر حکام وی وزیراعظم دے استقبال سانگے موجود ہن۔ وزیراعظم (اج) خمیس کوں وسطی ایشیاءتے جنوبی ایشیاء1000 (کاسا 1000) پراجیکٹ دی افتتاحی تقریب اچ شرکت کریسن۔
