وزیراعظم محمد نواز شریف عظیم صوفی بزرگ میر سید علی ہمدا نی کوں خراج عقیدت پیش کرنڑ سانگے تاجک شہر کولوب اچ مختصر قیام کیتا

کولوب(تاجکستان) ۔ 11 مئی (اے پی پی)وزیراعظم محمد نواز شریف چوڈویں صدی دے عظیم صوفی بزرگ میر سید علی ہمدانی کو ںخراج عقیدت پیش کرنڑ سانگے بدھ کوں تاجک شہر کولوب اچ مختصر قیام کیتا ، وزیراعظم12مئی کو ’ں’وسطی۔ جنوبی ایشیائ( کاسا1000) منصوبے دی افتتاحی تقریب اچ شرکت سانگے دارالحکومت دوشنبے ویندے ہوئیں کجھ ویلھے سانگے اتھاں رکیے ۔ایں توں پہلے صوبہ خطلان اچ واقع کولوب ائیر پورٹ تے تاجکستان دے اول نائب وزیراعظم سیدوف دولت علی وزیراعظم دا پر تپاک خیر مقدم کیتا ۔اپنڑی آمد دے فوراً بعد وزیراعظم عظیم صوفی بزرگ ، مسلم سکالر، شاعر اتے مبلغ میرسید علی ہمدانی دے مزار تے حاضری ڈتی ۔ وزیر پانڑیں تے بجلی خواجہ محمد آصف، وزیراعظم دے معاون خصوصی طارق فاطمی وی انہاں دے نال ہن ۔ وزیراعظم صوفی بزرگ علی ہمدانی دے مزار تے فاتحہ پڑھی ۔ انہاں مہماناں دی کتاب اچ اپنڑے تاثرات وی لکھیے۔سید علی ہمدانی عربی اتے فارسی اچ بہوں ساریاں کتاباں لکھیاں ۔ انہاں اپنڑی تعلیمات دے ذریعے کشمیراچ وی اسلام دی اشاعت کیتی ۔ کولوب اچ تقریباً ہک گھنٹے دے قیام دے بعد وزیراعظم دوشنبے روانہ تھی گے۔