اسلام آباد ۔ 18 مئی (اے پی پی) وزیر اعظم محمد نواز شریف آکھیا ہے جو2018 دے الیکشن اچ او عوام دی عدالت اچ ہک روشن تے بہتر پاکستان دے نال پیش تھیسن اتے ترقی دی دشمن طاقتاں کوں ہرا ڈیسن ۔انہاں اے گالھ بدھ کوں وزیراعظم ہاﺅس اچ مسلم لیگ ن دے قومی اسمبلی دے ارکاناں عبداللہ شادی خیل (این اے71)، مس شازیہ مبشر (این اے 129) ، میاں عبدا لمنان (این اے 83)نال گالھ مہاڑ کریندے ہوئیں کیتی ،جتھاںانہاں نال انجھ انجھ ملاقا ت کیتی ۔ وزیراعظم آکھیاجو پاکستان مسلم لیگ(ن) دی حکومت فلاح عامہ سانگے ڈینھ رات کم کریندی پی ہے، عوام کوں زندگی دیاں بنیادی سہولتاں دی فراہمی سانگے ترجیحی بنیاداں تے وسائل ڈتے ویندے پن عوام دی زندگی اچ آسانیاں گھن آونڑ سانگے پاکستان اچ پروگراماں تے تکھی رفتار نال کم تے عمل در آمد جاری ہے ۔ وزیراعظم آکھیا جو انشاءاللہ ملک اچ امن دی بحالی ،توانائی دے بحران دے خاتمے اتے ،پاک چین اقتصادی راہداری اتے انفراسٹرکچر دے منصوبیں کوں ہیں رفتار نال جاری رکھیا ویسی۔انہاں وزیراعظم کوں ڈسایا جو عوام حکومت دے ترقیاتی ایجنڈے اتے وزیراعظم دے معاشی وژن دی تائید کریندے ہن اتے انہاں دی قیادت اچ پالیسیاں تے چنگے اعتماد دا اظہار کریندے ہن ۔
