مینگورہ۔20 مئی ( اے پی پی )وزیراعظم محمد نواز شریف ‘ جمعہ کوں مینگورہ سوات اچ نواز شریف کڈنی ہسپتال سوات دا منڈھ بدھ ڈتے جئیں دا مقصدر کے پی کے اچ گردیاں دے مختلف امراض دے مریضاں کوں علاج معالجے دی معیاری سہولتاں انہاں دے گھراں دے در تے ملسن ۔وزیر اعظم فیتہ کٹ کراہیں نواز شریف کڈنی ہسپتال دا منڈھ بدھیا۔ایں موقع تے انجینئر امیر مقام سابق گورنر خیبر پختونخوا سردار مہتاب احمد خان ‘پی ایم ایل (ن) خیبر پختونخوا دے صدر پیر صابر شاہ ‘ ن لیگ دے سینئر رہنماء سرانجام خان ‘ پنجاب ہاسپٹل ٹرسٹ دے فوکل پرسن جاوید اکرم دے علاوہ خیبر پختونخوا تے پنجاب دے اعلیٰ حکام اتے عمائدین علاقہ موجود ہن ۔وزیر اعظم وزیٹر بک اچ آپنڑے تاثرات اچ الحمدللہ لکھیا۔پنجاب ہاسپٹل ٹرسٹ دے فوکل پرسن جاوید اکرم بریفنگ ڈیندین ہوئیں وزیر عظم کوں ڈسیا گئیا جو سوات کالام روڈ تے مینگورہ دے نیڑے منگلور دے مقام تے ہسپتال 110بستریاں تے مشتل اے اتے اینکوں پنجاب ہاسپٹل ٹرسٹ800ملین روپے دی لاگت نال بنڑائے۔بعد اچ وزیرا عظم ہسپتال دے مختلف شعبیاں دا دورہ کیتا اتے اتھاں مریضاں کوں علاج دی سہولتاں ڈیونڑ تے اطمینان کیتا۔
