وزیراعظم ڈیرہ اسماعیل خان اچ پاک چین اقتصادی راہداری منصوبے دا افتتاح کریسن ،مولانا فضل الرحمن

بنوں ۔ 3 مئی (اے پی پی) جمعیت علمائے اسلام (ف) دے امیر مولانا فضل الرحمن اعلان کیتا جو وزیراعظم 14مئی کوں ڈیرہ اسماعیل خان اچ پاک چین اقتصادی راہداری دے منصوبے دا افتتاح کریسن ۔منگل کوں اتھاں جلسہ عام توں خطاب کریندے ہوئیں مولانا فضل الرحمن آکھیا جو وزیراعظم 14مئی کوں ڈیرہ اسماعیل خان اچ پاک چین اقتصادی راہداری منصوبے دا افتتاح کریسن ایں موقع تے وزیراعظم بئے پراجیکٹس دا وی اعلان کریسن ۔