وزیر اعظم دی ہدایت تے ایں سال حکومتی حج سکیم اچ سینیٹرز،ارکان قومی تے صوبائی اسمبلیاں سمیت پارلیمنٹیرینز کیتے کئی کوٹہ کائنی رکھیا گیا، وزارت مذہبی امور تے بین المذاہب ہم آہنگی

اسلام آباد ۔ 14 مئی (اے پی پی) وزیر اعظم دی ہدایت تے ایں سال حکومتی حج سکیم اچ سینیٹرز،ارکان قومی تے صوبائی اسمبلیاں سمیت پارلیمنٹیرینز کیتے کئی وی کوٹہ کائنی رکھیا گیا۔ وزارت مذہبی امور و بین المذاہبی ہم آہنگی دے حکام اے پی پی نال گالھ مہاڑ اچ آکھیا جو مجموعی حکومتی سکیم حج کوٹے دا صرف 3فیصد منقسم خانداناں،نوزائیداہ بالیں اتے ہارڈ شپ کیساں اتے دور پرے دے درخواست گزاراںاچ ہکوسنویں بنیاداں تے ونڈیا ویندے ۔ ایں کوٹے دیاں مجموعی نشستاں 2150ہن ۔ حکام ڈسایا جو حج پالیسی دے مطابق 2150 ہارڈ شپ کوٹے اچوں 500نشستاں گھٹ آمدنی آلیاں سرکاری ملازماں ،ای او بی آئی دے نال رجسٹرڈ کمپنیاں اتے ورکر ویلفیئر فنڈ کیتے رکھیاں گیاں ہن ۔ سخت سکروٹنی دے بعداتے خصوصی کمیٹی دی سفارش تے مستحق افراد کوں ہارڈ شپ کوٹے اچ پاتا ویسی ۔ حکام آکھیا جو ایں سال حکومتی سکیم دے تحت 71684 سمیت مجموعی طور تے 143368افراد فریضہ حج دی ادائیگی سانگے سعودی عرب ویسن۔