راولپنڈی ۔ 31 مئی (اے پی پی) وفاقی وزیر اطلاعات تے نشریات سینیٹر پرویز رشید آکھیا جو وزیر اعظم دے آپریشن دے چنگے نتیجے سامنڑے آئن اتے وزیرا عظم کوں چنگی صحت عطا کرنڑ تے اساں اللہ تعالیٰ دے شکر گزار ہیسے،عوام دی دعاواں نال وزیر اعظم جلدی اساڈے وچال ہوسن،لوک جانڑدن جو نواز شریف دی قیادت اچ ملک اچ ترقی دا سفر شروع تھیے،وزیر اعظم دے وژن دی وجہ توں ملک اچ امن و امان ممکن تھیے،ضرب عضب دی کامیابیاں پوری دنیا تسلیم کریندی اے،آپریشن نال نہ صرف پاکستان جڈانجو پوری دنیا محفوظ تھی اے،وزیر اعظم نواز شریف کوں ہنڑ عالمی سطح دے سفیر دے طور تسلیم کیتا ویندا پئے ،اساں آندی نسلاں کوں روشن اتے پر امن پاکستان ڈیونڑ چاہندوں ،ایجھا پاکستان چاہندوں جتھاں روشنیاں ہوون،ترقی دا سفر جاری رہے،۔اے گالھیں انہاں وزیراعظم نواز شریف دی جلدی مکمل صحت یابی سانگے دعائیہ تقریب نال خطاب کریندیں ہوئیں آکھی۔انہاں لوکاں کوں آکھیا جو او اللہ تعالیٰ دی رحمت اتے وزیرا عظم دی جلدی ملک واپسی سانگے شکرانہ دے نفل پڑھن اتے دعا کرن جو او عوام دی خدمت جاری رکھ سگن ۔
