اسلام آباد۔ 26 مئی (اے پی پی) وفاقی وزیر خزانہ سینیٹر اسحاق ڈار آکھیا ہے جو اپوزیشن دے نال رل تے ٹی اوآرز اچ ابتدائیے دی حد تئیں اتفاق تھی گیا ہے ،ڈوجھے مرحلے اچ ٹی او آرز تے تفصیلی گالھ مہاڑ تھیسی ،اپوزیشن 15اچوں 2نکتے واپس گھننڑ دی پیشکش کیتی ہے ۔خمیس کوں پارلیمنٹ ہائوس دے باہروں میڈیا نال گالھ مہاڑ کریندے ہوئیں انہاں آکھیا جو کمیٹی خوشگوار ماحول دے نال اپوزیشن دے نال اتفاق رائے نال معاملات اگی تے ودھدے پئے ہن ٹی او آرز تے ابتدائی گالھ مہاڑ شروع تھی تھی ہے ،ٹی او آرز تے باقاعدہ کم دا آغاز اج جمعے کوں تھیسی ،انہاں 4نکتے تے حکومت اتے اپوزیشن وچال پورے اتفاق رائے ہے بعد اچ وفاقی وزیر ریلوے خواجہ سعد رفیق ذرائع ابلاغ دے نمائندیں نال گالھ مہاڑ کریندے ہوئیں آکھیا جو اپوزیشن دا اے آکھنڑ درست کائنی جو سپریم کورٹ ٹی او آرز مسترد کر ڈتے ہن ۔
