وفاقی وزیر خواجہ سعد رفیق دی ریلوے کیرنز اتے مغلپورہ ہسپتالاں اچ بہترین طبی سہولتاں دی فراہمی کیتے جامع پلان وضع کرنڑ دی ہدایت

لاہور۔7 مئی(اے پی پی )وفاقی وزیر ریلوے خواجہ سعد رفیق ریلوے کیرنز اتے مغلپورہ ہسپتالاں اچ بہترین طبی سہولتاں ڈیونڑ سانگے متعلقہ حکام کوں جامع منصوبہ ڈیونڑ دی ہدایت کرڈتی ہے ۔ چھنڑ چھنڑ دے ڈینھ ریلوے ہیڈ کوارٹرز لہور اچ ہک اجلاس دی صدارت کریندے ہوئیں انہاں آکھیا جو ریلوے دے حاضر سروس اتے ریٹائرڈ ملازماں کوں بہترین طبی سہولتاں یقینی بنڑاونڑ سانگے ریلوے کیرنز اتے مغلپورہ ہسپتالاں دی اپ گریڈیشن اہم ہے۔ انہاں آکھیا جو اِنہاں ہسپتالاں دی بہتری اتے اِنہاں دی بہترین سروسز نال علاقے دے لوکیں کوں وی بہترین طبی سہولتاں ڈیونڑ اچ مدد ملسی ۔ وفاقی وزیر متعلقہ حکام کوں ہدایت کیتی جو او رل بیھ تے سفارشات تیار کرن تانجو تکھے تکھے ہسپتالاں دی بہتری دا کم شروع کیتا ونج سگے ۔ ایں موقعے تے سپیکر قومی اسمبلی سردار ایاز صادق رکن قومی اسمبلی پرویز ملک وزیراعلی پنجاب دے مشیر برائے صحت خواجہ سلمان رفیق سیکرٹری سپیشلائزڈ ہیلتھ کیئر و میڈیکل ایجوکیشن پنجاب نجم احمد شاہ ڈاکٹر طارق صلاح الدین اتے پاکستان ریلوے دے چیف ایگزیکٹو آفیسر جاوید انور بوبک وی موجود ہن ۔