اسلام آباد ۔ 23 مئی (اے پی پی) وفاقی وزیر منصوبہ بندی تے ترقی احسن اقبال آکھیا ہے جو پاکستان تے چین 2018اچ اپنڑاں سیٹلائٹ لانچ کریسن،اجوکے سال فاٹا دی پہلی یونیورسٹی دا قیام عمل اچ لاتا ویسی ،پاک چین دوستی دے 65سال ڈوہیں ملکاں سانگے سنگ میل دی حیثیت رکھیندے ہن ،چین پاکستان اچ غیر ملکی سرمایہ کاری کرنڑ آلا پہلا ملک بنڑ گیا ہے ،چین پاکستان اقتصادی راہداری ڈوہیں ملکاں دیاں قیادتاں دے وژن دا ملاپ ہے ،سیاسی ا ستحکام اتے پالیسیاں وچ تسلسل نال ہی کامیابی ممکن ہے ،اقتصادی راہداری ڈوہیں ملکاں دیاں قیادتاں دے وژن دا ملاپ ہے ،سیاسی استحکام اتے پالیسیاں اچ تسلسل نال ہی کامیابی ممکن ہے ،اقتصادی راہداری منصوبہ گیم چینجر ہے ۔انہاںخیالاں دا اظہار انہاں سنوار کوں پلاننگ کمیشن اچ پاکستان چین وچال سفارتی دوستی دی 65ویں سالگرہ دی تقریب توں خطاب کریند ے ہوئیں کیتا ۔ایں موقع تے معاون خصوصی خارجہ امور طارق فاطمی اتے چینی سفیر، سیکرٹریز، سفارتکار، سول سو سائٹی ‘ اکیڈمیا اتے میڈیا دی وڈی تعداد دے لوک اتھاںموجود ہن ،وفاقی وزیر آکھیا جو 65سال دے دوران ڈوہیں ملکاں دے بین الاقومی سطح تے پیش آونڑ آلے بہوں واقعات اتے حالات تے ہکو موقف اختیار کیتا ،اج ڈوہیں ملکاں وچال تعلقات سٹریٹجک جیو اکنامک دور اچ داخل تھی گے ہن ۔انہاں آکھیا جو وزارت منصوبہ بندی تے ترقی اچ ایں طرح تقریب دا تھیونڑ ظاہر کریندے جو ڈوہیں ملکاں وچال دوستی نویں دور اچ داخل تھی گی ہے ۔انہاں آکھیا جو چین پاکستان اچ اوں ویلھے سرمایہ کاری کیتی جڈاں باقی ملک اتھاں سرمایہ کاری توں ڈردے پے ہن ،انہاں آکھیا جو چین پاکستان اقتصادی داہداری صرف سڑکاں اتے انفراسٹرکچر نی بلکہ ہک پورا فریم ورک ہے ،46بلین ڈالر اچوں 35بلین ڈالر توانائی سیکٹر اچ استعمال تھیسن ۔انہاں آکھیا جو چین پاکستان اقتصادی راہداری دے ثمرات پاکستان دے ہر علاقے کوں پجسن ،انہاں آکھیا جو چین پاکستان اقتصادی راہداری منصوبہ ایں سانگے دشمناں دی اکھ پھڑکیندے جو ایں منصوبے دے پورا تھیونڑ نال پاکستان نہ صرف اقتصادی بلکہ دفاعی لحاظ نال وی بہوں مستحکم تھیسی ،پوری قوم ہک مٹھ تھی گے ایں منصوبے کوں توڑ پجاونڑاں ہے اتے دنیاں کوں اے سنھیا ڈیونڑاں ہے جو پاکستان اچ ہنڑ سیاسی رسہ کشی تے میوزیکل چیئرز دے کھیڈ ماضی بنڑ گے ہن ،ہنڑ اتھاں سیاسی استحکام ہے ،انشاءاﷲ تعالیٰ ایں دوستی دے اقتصادی نتیجے پاکستان کوں بجلی دے بحران تے قابو پاونڑ اتے ملک دے اندر روزگار دے موقع پیدا کرنڑ سانگے چارے صوبے تے پسماندہ علاقیاں کوں راہداری دے ذریعے جوڑنڑ دا موقع ملسی اتے چین وسطی ایشیاءکوں آپس اچ رلاونڑ نال خطے اچ ہک نویں دور دا آغاز تھیسی
