کراکس ۔ 30 مئی (اے پی پی) وینزویلا وچ مسلح گروہ فائرنگ کر تے کولمبیا دے ہک شہری اتے 3 بالاں سمیت 11 بندیاں کوں ہلاک کر ڈتا۔ اٹارنی جنرل دے آفس توں جاری ہک بیان دے مطابق واقعہ تروجیلو دے علاقے وچ پیش آیا جتھاں کجھ مسلح بندیاں حملہ کر تے گھراں وچ موجود لوکاں کوں ویڑھے وچ زبردستی جمع کیتا اتے انہاں تے فائرنگ کرڈتی۔ رپورٹ دے مطابق حملہ آور کاراں اتے موٹرسائیکلاں تے سوار ہن اتے واقعہ دے بعد فرار تھی گئے جڈانجو ہلاک تھیونڑ آلیاں وچ ہک 76 سالہ کولمبئین شہری البرٹو دیاز پاٹینو اتے 3 بال وی شامل ہن۔ حکام واقعہ دی تحقیقات شروع کر ڈتیاں ہن۔
