پاکستان اتے چین آپنڑیں 65سال دے سفارتی تعلقات دی یاد اچ سال 2016ء کوں دوستی دے سال دے طور تے منیندے پئین

اسلام آباد15مئی(اے پی پی)پاکستان اتے چین آپنڑیں 65سال دے سفارتی تعلقات دی یاد اچ سال 2016ء کوں دوستی دے سال دے طور تے منیندے پئین اتے انہاں وچال تعلقات ویلھے دے نال مظبوط تھیندے پئے ہن ،دوستی دی ایں سالگنڈھ کوں مناونڑ سانگے بہوں ساریاں تقریبیاں منایاں ویسن۔ڈوہائیں ملکاں وچال اے دوستی ریاستی اتے لوکیں وچال تعلقات دی بیاد تے بہوں وکھری اے،ڈوہائیں ملکاں دی قیادت ولوں گزریل کئی سالیں اچ انہاں تعلقات کوں مختلف ناواں نال ظاہر کیتا گئے جیندے اچ ہر موسمی ویلھے دے جانڑیں گئے،سمندراں توں جھکے اتے ہمالیہ دے پہاڑاں توں اُچے ،ماکھی توں مٹھے ،اتے سٹیل توں پکے شامل ہن ،ایجھا اظہار صرف ظاہر کائنی جڈانجو گزریل 65سالیں توں بنڑیے ایں گانڈھے دی مظبوطی کوں ظاہر کریندے۔ایں وکھرے گانڈھے دا ارتقاء ڈوہائیں ملکاں دی قیادت دی سوچ کوں ظاہر کریندے جنہاں تعلقات دی بنیاد پر امن باہمی وجود،ڈو پاسہ مفاد اتے سانجھ علاقائی عالمی ترقی دی سوچ دے اصول اُتے رکھی۔21مئی1951ء کوں پاکستان اتے چین رسمی طور تے آپنڑیں سفارتی تعلقات قائم کیتے،پاکستان انہاں ملکاں اچ شامل ہئی جنہاں شروع اچ چین دے قیام کوں تسلیم کیتا۔ایندے نال ڈو پاسہ تعاون دی تریخ دا ہک نواں باب شروع تھیا،چنگے ہمسائے ہوونڑ پاروں چین اتے پاکستان ڈو پاسہ دلچسپی دے عالمی اتے علاقئی معاملیاں تے قریبی تعاون اچ ہن ،چین یکا پاکستان دی ترقی اتے قومی حالات دی بنیاد اتے انسداد دہشت گردی تے عمل درآمد کیتے بھرپور حمایت کیتی اے۔پاکستان وی ہمیشہ چین دے اہم معاملیاں جنہاں اچ تائیوان،تبت،زن جیانگ اتے بئے معاملے شامل ہن اتے چین دی بھرپور حمایت کیتی اے۔گزریل سالیں اچ ڈوہائیں ملکاں دے سربراہواں دوریاں دے تبادلے وی کیتے گئن ،صدر مملکت ممنون حسین اتے وزیر اعظم محمد نواز شریف ڈو ڈو واری چین دا دورہ کیتے اتے چین دی قیادت نا ڈو پاسہ اہمیت دے جنہاں اہم معاملیاں اتے اتفاق کیتے۔چین پاکستان دا ڈوجھا وڈاوپار دا سانجھے دار بنڑ گئے۔جڈانجو مجموعی طور تے 18ارب ڈالر دی ڈو پاسہ تجارت نال پاکستان جنوبی ایشیاء اچ چین دی ساریاں توں وڈی سرمایہ کاری دی منزل بنڑ گئے ۔گزریل سالیں اچ تجارت دے شعبے اچ چنگی اگوہیں تھی اے اتے 2000ء توں گھن تے 2015ء تئیں 15سالیں دے عرصے اچ ڈوہائیں ملکاں وچال ڈو پاسہ تجارت دا حجم 5اعشاریہ7ارب ڈالر توں ودھ کراہیں ہک سو اعشاریہ 11ارب ڈالر تھی گئے۔جڈانجو ڈوہاں ملکاں وچال تھیونڑ آلے علاقائی مختلف معاہدیاں دی کل مالیت ہک اعشاریہ اٹھارہ ارب ڈالر توں ودھ کراہیں ا سو پنجاہ اعشاریہ اٹھ ارب ڈالر تھی گئے اے۔96ارب ڈالر دی مالیت نال چین پاکستان اقتصادی راہداری دی تعمیر اگوں ٹردی پئی اے اتے توانائی،خزانہ معلومات اتے رابطہ سمیت سارے اہم شعبیاں کوں ایندے اچ رلایا گئے۔دفاع دے شعبے اچ آپنڑاں بھرپور تعاون ترجھے دفاعی شعبیاں کیتے ڈتے۔پاکستان ایرو ٹائیکل کمپلیکس/ہیوی انڈسٹریز ٹیکسلا/پاکستان آرڈیننس فیکٹری اچ بہوں سارے منصوبیاں،بحریہ دے جنگی بیڑیاں دے منصوبے اتے میزائل فیکٹری دے قیام سانگے چین پاکستان نال ہتھ ونڈایا۔ایں طرح دیاں بئیاں مثالاں اچ پاکستان ایرونائیکل کمپکیس کامرہ سٹیل مل کراچی وغیرہ شامل ہن ۔ڈوہائیں ملکاں اچ تریخی تعاون کامرہ اچ بنڑنڑ آلے JF-17جنگی لڑاکاجہاز دی صورت اچ موجود اے۔پر امن مقصد سانگے پاکستان دے ایٹمی پروگرام دی چین یکا حمایت کیتی اے،چین دی قومی ایٹمی تعاون ولوں عالمی ایٹمی توانائی دی ایجنسی دے قنون دے مطابق پنجاب اچ کمرشل ایٹمی توانائی گھر لاتا گئیا۔ایندے ڈوجھے مرحلے دی تعمیردسمبر2015ء اچ شروع تھی اے۔ڈوہائیں ملکاں ثقافتی بنیاد تے لوکیں وچال تعاون اتے گانڈھے کوں ودھاونڑ دی اہمیت تے زور ڈتا۔چین پاکستان اچ چینی زبان دی ترویج اتے کنفیوشیس اداریاں دی تعمیر تے پاکستان دی تعریف کیتی اے۔