پاکستان اتے چین دے ہرسمت اچ تعلقات دنیا کیتے ہک اعلی مثال دی حیثیت رکھیندے ہن ، چین پاکستان اقتصادی راہداری دے پراجیکٹ ڈائریکٹراتے کوآرڈینٹر میجر جنرل (ر)ڈاکٹر ظاہر شاہ دا اے پی پی کوں خصوصی انٹرویو

اسلام آباد ۔ 22 مئی (اے پی پی) چین پاکستان اقتصادی راہداری دے پراجیکٹ ڈائریکٹراتے کوآرڈینٹر میجر جنرل (ر)ڈاکٹر ظاہر شاہ آکھے جو پاکستان اتے چین وچال ہر سمت دے تعلقات دنیا کیتے ہک اعلی مثال دی حیثیت رکھیندے ہن ، 65 سال دے شاندارسفارتی تعلقات اچ پاکستان اتے چین نہ صرف بین الاقوامی سطح تے مختلف فورمز تے ہک ڈوجھے دے موقف دی ہمیشہ حمایت کیتی ہے جڈانجو تجارتی اتے اقتصادی شعبیاں اچ وی دوہائیں ملکاں ہک بئے نال بھرپور تعاون کیتے ، چین پاکستان اچ ایں عرصے اچ کئی وڈے منصوبیاں تے کم کیتے جیندے نال ڈوہائیں ملکاں دے تعلقات اچ ویلے دے نال بیا ودھارا تھئے ، دفاعی شعبیاں اچ جے ایف 17 تھنڈر طیارے ڈوہائیں ملکاں وچال تعاون دی ہک اہم مثال ہے ،حال ہی اچ چین پاکستان اچ سی پیک دے تحت کئی وڈے منصوبے شروع کرنڑ دا معاہدہ کیتے، چین پاکستان اقتصادی راہداری وزیراعظم نواز شریف اتے اعلیٰ چینی قیادت دا وژن ہے جیندے تحت چین اتے پاکستان وچال تریخی رابطیاں کوں بحال کرن ، ایں کوں بیا چنگے طور تے تعمیر کرنڑ اتے چھیکڑ باقی ایں کوں وسط ایشیا اتے مغربی ایشیا تئیں ودھاونڑ ہے ۔اتوار کوں اے پی پی نال خصوصی گالھ مہاڑ کریندے ہوئیں انہاں آکھیا جو گزریل 65 سالیں اچ پاک چین سفارتی تعلقات عالمی برادری کیتے سفارتی تعاون دی کئی روشن مثالاں قائم کیتیاں ہن ، اتے ساری دنیا دے سفارتی حلقے ایں کوں قابل تحسین سمجھدے ہن ۔ انہاں توقع کیتی جو آونڑآلے ڈینہاں اچ پاک چین دوستی بئی مستحکم تھیسی اتے ڈوہائیں ملکاں دے سفارتی رابطیاں اچ بیاں اضافہ تھیسی جیندے نال نہ صرف جنوبی ایشیاء دے خطے جڈانجو عالمی تجارتی سرگرمیاں اچ وی اضافہ تھیسی ۔ انہاں آکھیا جو چین پاکستان اقتصادی راہداری دے تحت ملک اچ 0 ہزار 4 سو میگاواٹ بجلی دی پیداوار دے 14 منصوبے دسمبر 2018 تئیں پورے تھیونڑ دی توقع ہے ۔ مغرب روٹ دسمبر 2016 ء تئیں پورا کر گھدا ویسی ۔ انہاں آکھیا جو پاکستان دے چین نال سیاسی تعلقات سٹرٹیجک اکنامک تعلقات اچ تبدیل تھی گئے ہن ، ایندے اساڈی ترقی اتے خطے اُتے چنگے اثرات پوسن ۔ پلاننگ کمیشن دے جاری کیتے گئے اعدادوشمار دے مطابق سی پی ای سی دے مغربی روٹ دی تکمیل کیتے منصوبیاں اچ خنجراب توں رائے کوٹ 335 کلومیٹر روڈ مکمل تھی گئے ، ایں طرح اسی طرح رائے کوٹ توں تھاہ کوٹ روڈ 270 کلومیر دی جائزہ رپورٹ وی مکمل تھی گئی ہے ۔ 120 کلومیٹر تھاہ کوٹ ۔حویلیاں روڈ دی تعمیر کیتے 20 ارب 50 کروڑ روپے ،برہان ۔حویلیاں ایکسپریس وے کیتے 2 ارب 30 کروڑ روپے ،280 کلومیٹر برہان۔ڈی آئی خان روڈ دی تعمیر کیتے 2 ارب 80 کروڑ روپے ،124 کلومیٹر ڈی آئی خان ۔مغل کوٹ روڈ دی تعمیر کیتے 2 ارب روپے ، 81 کلومیٹر ژوب ۔مغل کوٹ روڈ دی تعمیر کیتے 3 ارب روپے،454 کلومیٹر این 85 خوشاب۔سریاب روڈ دی تعمیر کیتے 2.5 ارب روپے،193 کلومیٹر ایم 8 خوشاب۔گوادر روڈ دی تعمیر کیتے 2.8 ارب روپے دے فنڈز جاری کیتے گئے ہن ۔ اقتصادی راہداری ڈوہائیں ملکاں وچال اہم شعبیاں اچ تعاون تے مبنی اقدامات اتے منصوبیاں دا جامع پیکج ہے۔جیندے اچ اطلاعات نیٹ ورک، بنیادی ڈھانچے، توانائی، صنعتاں، زراعت، سیاحت اتے بئے ودھ سارے شعبے شامل ہن ۔ جڈاں اے منصوبے پورے تھی ویسن تاں انشاء اللہ ہک بدلدا ہویاں پاکستان سامنڑیں امسی ۔