پاکستان اتے چین 65 سالیں اچ بے مثال انداز اچ با اعتماد اتے ثابت قد می تے مبنی سانجھے داری کوں اگوں ٹوریاہے ،مشیر خارجہ سرتاج عزیز

اسلام آباد ۔ 20 مئی (اے پی پی) مشیر خارجہ سرتاج عزیز آکھے جو پاکستان تے چین 65 سالیں اچ بے مثال انداز اچ با اعتماد اوتے ثابت قد می تے مبنی سانجھے داری کوںاگوں ٹوریا ہے ، مثالی تعلقات کوں بلندیاں دی نویں سطح تئیں گھن ونجنڑ کیتے اساکوں آپنڑیاں ذمہ داریاں پوری کرنڑیاں ہوسن ۔ اے گالھ انہاں پاک چین سفارتی تعلقات دے 65سال پورے تھیونڑ تے چینی وزیرخارجہ دے ناں آپنڑیں مبارخی سنیہے اچ آکھی ۔ ترجمان دفترخارجہ دے مطابق پاک چین سفارتی تعلقات دے 65سال پورے تھیونڑ تے مشیر خارجہ سرتاج عزیز اتے چین دے وزیر خارجہ مبارخی سنیہاں دا تبادلہ کیتے ۔ مشیر خارجہ سرتاج عزیز چینی وزیر خارجہ وانگ ئی دے ناں آپنڑیں مبارخی سنیہے اچ آکھے جو 65 سالیں اچ اساں بے مثال انداز اچ ڈوہائیں ملکاں وچال با اعتماد اتے ثابت قد می تے مبنی سانجھے داری کوں اگوں تے ٹوریاہے ۔ انہاں آکھیا جو پاکستان اتے چین وچال کثیر الجہتی،جامع اتے سدا بہار سٹریٹجک تعاون قائم ہے۔پاک چین اقتصادی راہداری تے امن ترقی دے اساڈے سانجھے وژن،تعاون اتے علاقائی رابطیاں کوں ظاہرکریندے ۔