اسلام آباد ۔ 3 مئی (اے پی پی) مشیر خارجہ سرتاج عزیز آکھیا اے جو پاکستان ذمے وار ایٹمی ملک ہوونڑ دی حیثیت نال عدم پھیلاﺅ تے تخفیف اسلحہ دے مقاصد دے حصول سانگے پر عزم ہے۔انہاں خیالاں دا اظہار انہاں منگل کوں انسٹیٹیوٹ آف سٹریٹجک سٹڈیز چین پاکستان دی جوہری عدم پھیلاﺅسانگے اتے اسٹریٹجک ایکسپورٹ کنٹرول سسٹم دے موضوع تے سیمینار اچ مہمان خصوصی دی حیثیت نال خطاب کریندے ہوئیں کیتا ۔ مشیر خارجہ سرتاج عزیز کئی سال توں ایکسپورٹ کنٹرول نظام کو ںمستحکم کیتا اتے بہوں ایکسپورٹ کنٹرول دے اداریں اچ دے رابطے اچ ودھارا کیتا ۔ ڈائریکٹر جنرل سٹریٹجک ایکسپورٹ کنٹرول ڈویژن وزارت خارجہ ماور پاکستان دے سٹریٹجک ایکسپورٹ سسٹم تے تفصیلی بریفنگ ڈتی۔ انہاں آکھیا جو ایکسپورٹ کنٹرول ایکٹ 2004ءایکسپورٹ کنٹرول سسٹم دے قیام سانگے اہم عنصر ہے۔ ڈائریکٹر جنرل آرمز کنٹرول اینڈ ڈس آرمنٹ افیئرز سٹریٹجک پلانز ڈویژن ایٹمی تحفظ سانگے پاکستان نیوکلیئر ریگولیٹری اتھارٹی دے کردار کوں اجاگر کیتا ۔ ڈائریکٹر پی ڈی ایس، ایس پی ڈی ایئر کموڈور عدیل سلطان آکھیا جو امریکہ دی بھارت کوں علاقائی طاقت بناونڑ دی کوششاں دی وجہ توں جنوبی ایشیا عدم استحکام دا شکارہے۔ امریکہ سمیت بئے مغربی ملکاں دا بھارت دے نال جوہری تعاون ودھدا پئے جیرھا جو پاکستان سانگے سٹریٹجک لحاظ نال تشویشناک ہے ۔سیمینار توں ڈائریکٹر جنرل انسٹیٹیوٹ آف اسٹریٹجک اسٹڈیز سفیر مسعود خان آکھیا جو پاکستان دے ایٹمی ہتھیاراں دی سیکورٹی دا کمانڈ اینڈ کنٹرول دا نظام بہوں محفوظ ہے ، پاکستان کوں نیوکلیئر سپلائر گروپ اچ رکنیت ملنڑی چاہیدی ہے۔
