اسلام آباد ۔ 18 مئی (اے پی پی) وفاقی وزیر منصوبہ بندی ترقی تے اصلاحات احسن اقبال آکھیا ہے جو فاٹا اچ زیتون دی کاشتکاری توں سماجی اتے معاشی ترقی کوں ودھارا ملسی ،پاکستان زیتون دی کاشتکاری اچ اٹلی دے تجربے اتے تکینیک نال فائدہ چاونڑاں چاہیدے ۔انہاں خیالاں دااظہار انہاں بدھ کوں پلاننگ کمیشن اچ اٹلی دے سفیراےچ اےچ سٹےفانوپونٹےکورو دی سر براہی اچ وفد نال ملاقات دے دوران کیتا ۔ملاقات اچ پاکستان اچ زیتون دی کاشتکاری تے گالھ مہاڑ کیتی۔ایں موقع تے وفاقی وزےرآکھیا جو زیتون دی کاشتکاری پاکستان اتے اٹلی وچال فلیگ شپ پروگرام تھیسی‘زیتون دے تیل تئیں عام لوکاں کوں رسائی یقینی بنڑاونڑیں چاہیدی ہے ۔ انہاں آکھیا جو زراعت دے شعبے اچ ترقی وژن 2025دا حصہ ہے ۔
