لاہور۔16 مئی(اے پی پی )گورنر پنجاب ملک محمدرفیق رجوانہ آکھیا ہے جو دنیا اچ کامیابی دیاں ساریاں منزلاں علم تے ادب تے رستے توں تھیندیاں ہن ،جیرھیاں قوماں کود کوں ایں رستے تے لاتے او اج دنیا تے راج کریندیاں پیاں ہن ۔انہاں آکھیا جو اگر اساں پاکستان کوں ترقی یافتہ ملک دی فہرست اچ شامل کرنڑاں ہے تاں اساکوں سائنس تے ٹیکنالوجی دے نال کتاب دے کلچر کوں ودھاونڑاں ہوسی انہاں خیالاں اظہار انہاں سینئر صحافی ڈاکٹر وقار اللہ چوہدری نال گالھ مہاڑ کریندے ہوئیں کیتا جنہاں گورنر پنجاب کوں اپنڑی کتاب ‘منتخباتِ شورش”پیش کیتی جیں کوں پنجاب یونیورسٹی شائع کیتا ہے ۔گورنر پنجاب آکھیا جو انہاں ساریاں شخصیات ہمیشہ اعلیٰ صحافتی اقدار دی پاسداری اتے ذمے وارانہ صحافت کوں ودھارا ڈتا اتے انہاں دے زندگی دے پہلوواں دی تحقیق کرنڑی چاہیدی ہے تاں جو او نویں نسل سانگے مشعل راہ ثابت تھی سگے ۔
