پاک چین تعلقات محبت، خلوص، پرا من باہمی اتے اعتماد دے رشتے اچ گھنڈیے ہوئے ہن ، چین پاکستان اقتصادی راہداری کئی عشریں تے محیط اتے اسٹرٹیجک تعلقات کو ںجیو اکنامک پارنٹر شپ اچ بدال ڈتا ہے،2030ء تئیں سینکڑاں ارب ڈالر پاکستان اچ مختلف منصوبیں تے امسن،ذرائع پلاننگ کمیشن

اسلام آباد ۔ 25 مئی (اے پی پی) پاکستان چین تعلقات دنیا دی سفارتی تاریخ اچ منفرد حیثیت دے حامل ہن جیرھے جو محبت خلوص پر امن بقائے باہمی اتے ساریں توں ودھ تے اعتماد دے رشتے اچ گھنڈیے ہوئے ہن ، چین پاکستان اقتصادی راہداری عشریں تے محیط اتے اسٹرٹیجک تعلقات کوں جیو اکنامک پارنٹر شپ اچ بدال ڈتا ہے ،بدقسمتی نال ماضی دیاں حکومتاں انہاں تعلقات کوں ملک دے معاشی مفادات سانگے استعمال نی کیتا بلکہ دنیا دی ڈوجھی وڈی طاقت دے نال اسٹریٹجک الائنس اچ شامل تھی تے ملک کوں بھاہ اچ سٹ ڈتا ،پہلے مرحلے اچ تھیونڑ آلی سرمایہ کاری ہک قلیل سرمایہ کاری ہے اتے 2030تئیں ایں منصوبے دے تحت سینکڑاں ارب ڈالر پاکستان اچ مختلف منصوبیں تے امسن ،بدھ کوں پلاننگ کمیشن دے ذرائع اے پی پی کوں ڈسایا جو اقتصادی راہداری دے مختلف منصوبیں تے تکھے کم جاری ہے ، گوادر کوئٹہ سیکشن دسمبر2016 ء تئیں فعال تھی ویسی اتے ڈی آئی خان۔ برہان جون 2018ء تئیں پورا تھی ویسی ۔انہاںڈسایا جو 21وی ایشیا دی صدی ہے ،مسابقتی برتری آلی معیشت دے نال ایں صدی کوں اگی تے ودھنڑاں ہے جیں سانگے معیشت اچ جدت اتے کوالٹی تے توجہ ڈیونڑیں ہوسی انہاں ڈسیاجو پاکستان دی جغرافیائی حیثیت اتے پاک چین ڈو پاسے تعاون اچ ودھارا جنوبی ایشیا دکوں مشرق وسطی نال جوڑنڑ دے ھوالے نال چین اقتصادی راہداری منصوبے تے تحت پاکستان اچ 46ارب ڈالر دی سرمایہ کاری کریند ا پیاہے ۔ پاک چین اقتصادی راہداری منصوبہ (سی پیک) ڈو پاسے تعلقات دی روشن مثال ہے جیرھی جو دنیا دے ماہرین اقتصادیات دی نظر اچ گیم چینجر ثابت تھیسی۔