اسلام آباد ۔ 26 مئی (اے پی پی) وفاقی وزیر منصوبہ بندی ،ترقی تے اصلاحات احسن اقبال آکھیا ہے جو پولیس اصلاحات دے نتیجے اچ معاشرے تے چنگے اثرات تھیسن ،ٹریفک پولیس کوںعوام دے نال دوستانہ رویہ رکھنڑ سانگے تربیت دی ضرورت ہے ،خمیس کوں انہاں خیالاں دا اظہار انہاں پلاننگ کمیشن اچ ہک اجلاس دی صدارت کریندے ہوئیں کیتا جیں اچ اسلام آباد پولیس دیاں یونیورسٹیاں اچ ٹریننگ متعلق امور دا جائزہ گھدا گیا ۔اجلاس اچ یونیورسٹیاں دے وائس چانسلرز اتے پولیس دے اعلیٰ افسراں شرکت کیتی ۔وفاقی وزیر ہدایت کیتی جو پولیس ڈیپارٹمنٹ اتے یونیورسٹیاں دے نال رل تے تربیتی کورس مرتب کرنڑاں چاہیدے ۔انہاں آکھیا جو سیف سٹی منصوبے کوں جدید ٹیکنالوجی اتے کمپیو ٹر تعلیم دی ضرورت ہے
