اسلام آباد ۔ 20مئی (اے پی پی) وزارت اطلاعات تے نشریات ولوں قومی اسمبلی کوں ڈسایا گیا جو پی ٹی وی ڈو قومی نظریے دے ودھارے سانگے پاکستان دی مذہبی تے معاشرتی اقدار دے مطابق پروگرام نشر کریندا پیا ہے ،مذہبی تے معاشرتی اقدار دے برعکس پروگرام تے نجی ٹی چینل دے خلاف پیمرا دے کونلس آف کمپلیمنٹس دے ذریعے کاروائی عمل اچ لاتی ویندی ہے ،جمعے کوں قومی اسمبلی اچ سوالاں دے وقفے دے دوران عائشہ سیددے سوال دے جواب اچ پارلیمانی سیکر ٹری محسن شاہنوار رانجھا آکھیا جو پیمرا دی مانیٹرنگ وزارت اطلاعات نشریات دی ذمے واری کائنی ،اساں صرف سیکشن پنج دے تحت پالیسی ڈیندوں انہاں آکھیا جو ٹی وی چینل کوں مذہبی تے معاشرتی اقدار دے بر عکس پروگرام چلاونڑ ے نی چاہیدے ۔ہک سوال دے جواب اچ انہاں آکھیا جو پارلیمانی سیکر ٹری آکھیا جو پی ٹی وی دی ذمے واری ہے جو اساڈی معاشرتی تے مذہبی اقدار دا ودھار ا ہے ،پی ٹی وی ریاست دی عکاسی کریندا پے ۔
