چائنہ پاکستان اکنامک کوریڈور منصوبہ ترقی تے خوشحالی دی راہداری ثابت تھیسی، وفاقی وزیر اطلاعات، نشریات تے قومی ورثہ سینیٹر پرویز رشیددا پاکستان اتے چین دے سفارتی تعلقات دی 65 ویں سالگنڈھ دے موقع تے سیمینار نال خطاب

اسلام آباد ۔ 24 مئی (اے پی پی) وفاقی وزیر اطلاعات، نشریات تے قومی ورثہ سینیٹر پرویز رشیدآکھیا جو چائنہ پاکستان اکنامک کوریڈور منصوبہ ترقی تے خوشحالی دی راہداری ثابت تھیسی،ایں کوریڈور تے چلنڑ آلے قافلے ڈوجھے ملکاں کوںفتح کرںڑ سانگے کائنا ہوسن بلکہ خطے دے لوکاں کوں تعلیم تے صحت سمیت بنیادی ضروریات زندگی ڈیونڑ سانگے ہوسن اتے امن دی اے شاہراہ خطہ اچ خوشحالی دے ثمرات گھن امسی،پاک چین تعلقات ڈو ملکاں دی عوام نئیں ،ہک ارب توں ودھ لوکاں دے تعلقات ہن ،اساڈی دوستی پورے خطے اتے دنیا سانگے فائدہ مند اے۔وفاقی وزیر منگل کوں اتھاں پاکستان براڈ کاسٹنگ کارپوریشن (پی بی سی) اچ پاکستان اتے پاکستان اتے چین دے سفارتی تعلقات دی 65 ویں سالگنڈھ دے موقع تے سیمینار نال خطاب کریندیں ہوئیں اے گالھیں آکھی۔انہاں آکھیا جو اساں آپنڑے بالاں کوں چنگا مستبقل ڈیسوں ،خطہ توں غریبی اتے جہالت مکسی ۔انہاں آکھیا جو چین پاکستان اتے پاکستان دے کروڑاں لوکاں دا ہک ڈوجھے دے نال تعاون ہوسی ۔اساں ہک ڈوجھے دے دلاں کوں جتسوں ۔انہاں آکھیا جو گزریل 65سالیں اچ داخلی تے خارجی تبدیلیاں دے باوجود ڈوہیں ملکاں دے تعلقات اچ استحکام آئے اتے اے ڈوہیں ملکاں اچ دوستی اتے امن عوام دی امنگاں دا مظہر اے ۔انہاں آکھیا جو خطہ اچ بندرگاہواں اتے شاہرات دی تعمیر نال عوام ہک ڈوجھے دے نیڑے امسن ،دلاں اچ محبت پیدا تھیسی اتے عوام دی زندگیاں اچ خوشحالی امسی ۔