راولپنڈی ۔ 16 مئی (اے پی پی) چیف آف آرمی سٹاف جنرل راحیل شریف چین دے ڈو ڈینھ دے دورے تے بیجنگ پج گئے۔ڈی جی آئی ایس پی آر لیفٹیننٹ جنرل عاصم سلیم باجوہ دی ٹویٹ دے مطابق آرمی چیف قیام وچال سینئر عسکری اتے سیاسی قیادت نال ملاقاتاں کریسن۔چین دے دارالحکومت پجنڑ دے بعد آرمی چیف آپنڑے چینی ہم منصب جنرل لی ژو چنگ نال انہاں دے دفتر اچ ملاقات کیتی اتے مختلف معاملیاں تے گالھ مہاڑ کیتی گئی۔انہاں چینی ہم منصب کوں نویں بنڑی آرمی ہیڈ کوارٹرز۔2دی کمان سنبھالنڑ تے مبارک ڈتی۔ملاقات اچ فاعی ٹیکنالوجی اتے انٹیلی جنس شیئرنگ اتے پاک چین اقتصادی راہداری دے تحفظ بارے گالھ مہاڑ کیتی گئی۔ چینی آرمی ہیڈ کوارٹرز آمد تے چیف آف آرمی سٹاف کوں چاق و چوبند فوجی دستے ‘ گارڈ آف آنر ڈتا۔
