بیجنگ ۔ 19 مئی (اے پی پی) چین اچ ہک تریمت اپنڑے مردہ پتر دی شادی ہک مردہ چھوہر دی روح نال کروا ڈتی ہے ۔چینی ذرائع ابلاغ دے مطابق صوبہ شانژی اچ ہک تریمت اپنڑے مردہ پتر دی تنہائی کوں پرے کرنڑ دی غرض نال ایندی شادی ہک مردہ چھوہر دے بھوت نال کروا ڈتی ہے ۔قصبے جیانگ اچ گزریل مہینے ہک 15سالاں دا لڑکا ژانگ چاونگ ہک
جھیڑے اچ ماریا گیا ہا جیں دی ڈوجھی دنیا اچ تنہائی پرے کرنڑ سانگے اوندی ماء ترائے سال پہلے ہلاک تھیونڑ آلی سولہاں سالیں دی چھوہر دی روح نال شادی کراونڑ دی صلاح کیتی ہئی ۔واضح رہے جو چین اچ ڈو ہزار سال توں موجود ہ روایت دے مطابق مردہ لوکاں دی شادی کوں معقول سمجھا ویندے ،اے روایت بھارت ،سوڈان تے فرانس اچ وی موجود ہے ۔
