کجھ سال اچ ترقیاتی بجٹ دا حجم دفاع اتے قرضیں دی ادائیگی توں ودھ ویسی ،میگا پراجیکٹس کوں 2017دے چھیکڑ تئیں پورا کرنڑ سانگے کوششاں کریندے پیوں ،احسن اقبال دا اے پی پی سی دے اجلاس توں خطاب

اسلام آباد ۔ 27 مئی (اے پی پی) وفاقی وزیر منصوبہ بندی تے ترقی احسن اقبال آکھیا ہے جو حکومت ترقیاتی بجٹ کوں ترجیح ڈیسی اتے 20کروڑ عوام دے ملک کوں نالج بیسڈ اکانومی بنڑاونڑ سانگے ترقیاتی بجٹ ودھاونڑ ضروری ہے ،کجھ سال اچ ترقیاتی بجٹ دا حجم دفاع اتے قرضیں دی ادائیگی توں ودھ ویسی ،انہاں خیالاں دا اظہار انہان جمعے کوں پلاننگ کمیشن اچ اے پی پی سی دے اجلاس توں خطاب کریندے ہوئیں کیتا ،وفاقی وزیر آکھیا جو ترقیاتی بجٹ دے حجم کوں ودھاونڑ دی ضرورت ہے ،پلاننگ کمیشن منصوبیں دی چنگی چانج پڑتال نال ترائے سال اچ 570ارب روپے دی بچت کیتی ہے ،انہاں میگا پراجیکٹس کوں 2017دے چھیکڑ تئیں پورا کرنڑ سانگے کوشاں ہے ،انہاں آکھیا جو سرکاری شعبے دے ترقیاتی پروگرام نال ملک اچ ترقی تے خوشحالی دے ہک نویں دور دا آغاز تھیسی ۔سماجی تے انسانی ترقی دے منصوبیں ،توانائی اتے خوراک دے شعبے اچ سرمایہ کاری نال عوام دی زندگی اچ چنگائی امسی ۔