کنڑ ک دی خریداری مہم آپنڑاں ہد ف پورا کریسی،صوبائی وزیر خوراک

لاہور۔8 مئی(اے پی پی )صوبائی وزیر خوراک بلال یاسین آکھے جو صوبے اچ کنڑک دی خریداری مہم تیزی نال جاری ہے،سارے صوبے اچ محکمہ خوراک دا عملہ کساناں کولوں کنڑک مُل گھندا پئے ، کنڑک خریداری مرکزاں تے آونڑ آلے کساناں دیاں سہولتاں کیتے سارے انتظامات کیتے گئے ہن ۔ حکومت دا عزم ہے جو کساناں کوں ساری کنڑک مُل گھدی ونجے تانجو انہاں دی محنت دا انہاں کوں معقول معاوضہ ملےـاے گالہیں انہاں کنڑی دی خریداری دے مرکزاں اختر آباد اوکاڑہ ، قادر پور خانیوال، مخدوم رشید سینٹر ملتان ، بہاولپور ، نور پورسینٹر بہاولپور، جلالپورپیر والہ، شجاع آبادمرکز اتے ساہیوال تے اچانک دورے دے دوران صحافیاں نال گالھ مہاڑ کریندے ہوئیں آکھی۔ صوبائی وزیر آکھیا جو حکومت دے نال نجی شعبے کوں وی کنڑک مُل گھنڑدی اجازت ڈتی گئی ہے تانجو مقابلے دی فضاء نال کساناں کوں انہاں دی کنڑک دا چنگا مُل ملے ۔ انہاں ڈسایا جو کنڑ ک دے خریداری مرکزاں اچ کساناں دی سہولت کیتے شکایات سیل وی کم کریندے پئے ہن ۔ انہاں آکھیا جو کنڑک دی خریداری دے عمل اچ محکمہ خوراک دے عملے دی کہیں وی طرح دی غفلت کہیں صورت صورت برداشت کائناں کیتی ویسی ۔