اسلام آباد ۔ 8 مئی (اے پی پی) وزیراعظم محمد نواز شریف شادی دی عمر اچ پجنڑ آلے لوکیں تے زور ڈتے جو او شادی توں پہلے تھیلیسیمیا سکریننگ ٹیسٹ ضرور کراون تانجو ایں گالھ کوں یقینی بنڑایا ونج سگے جو جوڑے اچوں کہیں ہک اچ وی تھیلیسیمیا دا جین موجودکائنی ۔ تھیلیسیمیادے عالمی ڈینھ دے موقعے تے آپنڑیں پیغام اچ وزیراعظم زندگی دے ہر شعبے نال تعلق رکھنڑآلے اتے خاص طور تے والدین تے زور ڈتے جو او تھیلیسیمیا دے مرض توں بچائو کیتے آپنڑیں بالیں دا شادی توں پہلے لیبارٹری ٹیسٹ ضرور کراون۔ وزیراعظم ہر پاکستانی تے زور ڈتے جو او ملک اچوں تھیلیسیمیا دے خاتمے کیتے بھرپور عزم دے نال آپنڑاں کردار ادا کرن۔ تھیلیسیمیا ہک جینیاتی طور تے منتقل تھیونڑا لی موروثی بیماری ہے جیہڑی جو جین توں متاثرہ والدین توں بالیں اچ منتقل تھیندے ایں سانگے شادی توں پہلے مناسب طور تے ٹیسٹ کراونڑیں چاہیدے ہن تانجو ایں گالھ دا پہلے ہی تھی ونجے جو تریمت یا مرد اچ ایں مہلک مرض دا جین موجود تا ں کائنی ۔
