2060ءتئیں ساحلی شہراں اچ ماحولیاتی تبدیلیاں پاروںسیلاب توںہک ارب لوگ متاثر تھیسن

لندن ۔ 16 مئی (اے پی پی)ہک برطانوی امدادی ادارے کرسچیئن ایڈ خبردار کیتا ہے جو 2060ءتئیں دنیا دے مختلف ساحلی شہراں اچ ماحولیاتی تبدیلیاں پاروںتباہ کن سیلاب توںہک ارب دے نیڑے لوک متاثر تھیسن ۔برطانوی نشریاتی ادارے دے مطابق کرسچیئن ایڈ ہک رپورٹ اچ آکھیا ہے جو کاربن توں ساریں توں ودھ آلودہ ترائے ملکاں دے لوکاں کوں ساریں توں ودھ خطرہ ہے ۔امریکا، چین اتے بھارت دے لوکاں ماحولیاتی آلودگی پاروں سمندر دی سطح اچ ودھارے ،طوفاناں اتے بہوں سارے موسماں دا سامنڑاں تھی سگدا ہے ۔ادارے دے مطابق بھارت دی ڈھائی کروڑ آبادی آلے شہر کولکتہ اتے ممبئی بہوں خطرے دا شکار ہن ۔ادارے ولوں مرتب کیتی گئی فہرست دے مطابق ودھ سارے خطرے دا شکار 7شہر ایشیا اچ ہن جڈاں جو امریکی شہری میامی اٹھویں نمبر تے ہے ۔ادارے ولوں حکومتاں توں مطالبہ کیتا ہے جو او عالمی حدت اچ گھٹکی سانگے اقدامات کرن اتے قدرتی آفات نال نبڑنڑ سانگے منصوبے بنڑاون۔