استنبول ۔ 30 جون (اے پی پی) ترکش ائیر لائن مسافراں کوں ٹکٹ دی تبدیلی یا منسوخی اچ سوکھ ڈیونڑ دا اعلان کیتا ہے۔ترکی دے ذرائع ابلاغ دے مطابق ترکش ائیر لائنز استنبول اتاترک ائیر پورٹ تے تھیونڑ آلے دہشت گردی دے حملے دی وجہ توں ٹکٹ دی تبدیلی یا منسوخی اچ سوکھ ڈیونڑ دا علان کر ڈتا ہے ۔ائیر لائن حکام دا آکھنڑ ہے جو 28جون توں 5جولائی وچال اتاترک ائیر پورٹ تے آمد تے روانگی آلیاں ساریاں پر وازاں دے رجسٹر ڈ مسافراں سانگے 31جولائی 2016تئیں بکنگ اتے گزر گاہ دیاں ساریاں تبدیلیاں کوں بلا معاوضہ ڈتا ویسی جڈاں جو استعمال نہ کیتیاں گیاں ٹکٹاں کوں بلا معاوضہ واپس وی کیتا ونج سگسی تے ٹکٹ دے دورانیے کوں ودھاونڑ دے خواہشمند مسافر کہیں قسم دی اجرت یا جرمانہ ادا کیتے بغیر ٹکٹ دے استعمال دی مدت کوں 31جولائی تئیں ودھا سگن ۔

متعلقہ مضامینمصنف کی طرف سے مزید