لاہور اچ طوفانی ہوا اتے ودھ سارا مینھ وسنڑ نال 2بندے زخمی کئی علاقیاں اچ بجلی دی فراہمی معطل ،ایئر پورٹ تے فلائٹ اپریشن وی متاثر

لاہور ۔ 22 جون(اے پی پی) لاہور اچ طوفانی ہوائیں اتے ودھ سارا مینھ وسنڑ پاروں ڈو بندے زخمی اتے کئی علاقیاں اچ بجلی دی فراہمی معطل تھی گی ۔نجی ٹیلی وژن دے مطابق بدھ دی سویل لاہور سمیت پنجاب دے مختلف علاقیاں اچ ودھ ساری طوفانی ہوا تے مینھ موسم کوں اچانک بدال تے رکھ ڈتا ۔طوفانی ہوائیں نال کئی علاقیں چ کچے مکاناں دیاں چھتاں ڈھہہ گھن جیں پاروں ڈو بندے زخمی تھی گے ہن ۔طوفانی ہوا اتے بارش پاروں کئی علاقیں اچ بجلی دی فیڈر ٹرپ تھیونڑ پاروں بجلی دی فراہمی معطل تھی تے رہ گی ۔ایندے علاوہ ایئر پورٹ تے فلائٹ اپریشن وی متاثر تھیا ہے۔