اسلام آباد ۔ 2 جون(اے پی پی) وفاقی وزیر برائے موسمیاتی تبدیلی زاہد حامد آکھے جو ماحولیات بارے مسلیاں دے حل سانگے جامع پالیسی اپنائی ویسی ، ایں بارے گرین پاکستان پروگرام کوں شروع کیتا ویندا پئے ، او وزارت موسمیاتی تبدیلی ولوں ماحولیات ونگ اسلام آباد اچ ماحولیاتی ای سی او دے چھیویں اجلاس دی صدارت کریندے پئے ہن۔ وفاقی وزیر اجلاس اچ شریک وفد کوں وزارت دی کارکردگی بارے ڈسایا اتے آکھیا جو حکومت پاکستان ”گرین پاکستان پروگرام” کوں شروع کریندی پئی ہے ۔ وفاقی وزیر آکھیا جو دنیا اچ کاربن دے مجموعی اخراج اچ پاکستان دا حصہ نہ ہونڑ دے برابر ہے جڈانجو ایں کوں شدید ماحولیاتی خطریاں داسامنڑاں ہے گزریل سال گرمی دی شدید لہر پاروں 1200بندے مر گئے ہن ، 2010ء دے سیلاب پاروں اساڈا شدید جانی اتے مالی ذیا ن تھئے ، اساکوں پانڑیں دی کھٹکی دا وی سامنڑاں ہے ۔ وفاقی وزیر آکھے جو حکومت پاکستان 100ملین درخت لاونڑ دا ارادہ رکھیندی ہے ، انہاں آکھیا جو اساں تفریح دیاں جاہیں اتے جنگلی حیات تے وی توجہ ڈیندے پئے ہئیں ۔ وفد اچ ایران، آذربائیجان، افغانستان اتے ترکی دے نمائندے شامل ہن ۔