موجودہ حکومت اعلیٰ تعلیم دے شعبے سانگے سبھ توں ودھ فنڈز مختص کیتے‘ پاکستان دیاں10 یونیورسٹیاں ایشیا دیاں چنگیاں یونیورسٹیاں وچ شامل ہن‘ 2015ءوچ 1000 بندیاں پی ایچ ڈی کیتی وزیر مملکت برائے تعلیم انجینئر بلیغ الرحمان دا ایوان بالا وچ توجہ مبذول نوٹس تے جواب

اسلام آباد ۔ 2 جون (اے پی پی) وزیر مملکت برائے تعلیم انجینئر بلیغ الرحمان ڈسایا ہے جو موجودہ حکومت اعلیٰ تعلیم دے شعبے سانگے سبھ توںودھ فنڈز مختص کیتے ہن‘ پاکستان دیاں 10 یونیورسٹیاں ایشیا دیاں چنگیاں یونیورسٹیاں وچ شامل ہن‘ 2015ءوچ 1000 بندیاں پی ایچ ڈی کیتی۔ خمیس کوں ایوان بالا دے اجلاس وچ سینیٹر سلیم مانڈوی والا‘ محسن عزیز‘ کامل علی آغا‘ اسلام الدین شیخ اتے محسن لغاری دے توجہ مبذول نوٹس دا جواب ڈیندے ہوئیں وزیر مملکت آکھیا جو برطانوی درجہ ڈیونڑ آلی ایجنسی (کیو ایس) اعلیٰ تعلیمی نظام دی جیرھی درجہ بندی کیتی ہے ایندے وچ پاکستان کوں 50 ویں نمبر تے رکھیا گیا ہے۔ اعلیٰ تعلیمی نظام دے حوالے نال پہلی واری ایںادارے درجہ بندی کیتی ہے ایندے تے اعتراضات ہن پر اساں ایکوںمندوں۔ 195 ملکاں وچوں پاکستان 50 ویں نمبر تے ہے۔مشرف دور وچ اعلیٰ تعلیمی شعبے کو ںساڈھے ست ارب دا بجٹ ڈتا گیا ہے، پیپلز پارٹی دے دور وچ ایندے وچ ودھارا تھیا۔ اگرچہ سارا بجٹ استعمال نی تھی سگیا۔ انہاں آکھیا جو موجودہ حکومت پہلے 62 ارب روپے دے فنڈز فراہم کیتے ہنڑ 83.9 ارب روپے اعلیٰ تعلیمی شعبے سانگے رکھے گئے ہن جیرھے پہلے توں بہوں زیادہ ہن۔انہاں آکھیا جو دنیا وچ وڈیاں وڈیاں یونیورسٹیاں کوں ارباں روپے دی گرانٹاں ملدیاں ہن۔ کجھاداریاں کوں اساڈے پی ایس ڈی پی توں وی ودھ فنڈز ملدن ۔ پاکستان وچ ہائیر ایجوکیشن دے شعبے وچ بہوں ترقی تھئی ہے۔ 2015ءوچ ہک ہزار پی ایچ ڈی سالانہ پیدا تھئے ہن۔ اساڈی ریسرچ پبلیکیشن 10 ہزار سالانہ تھی گئی ہیں۔ اعلیٰ تعلیم دا شعبہ ترقی کر یندا پئے۔ جنوبی ایشیا دے ملکاں وچ پاکستان سبھ کنوں اتے ہے۔ پاکستان دیاں10 یونیورسٹیاں ایشیا دیاں چنگیاں یونیورسٹیاں وچ شامل ہن۔ قبل ازیں سینیٹر سلیم مانڈوی والا توجہ مبذول نوٹس تے آکھیا جو پاکستان کوں اعلیٰ تعلیمی نظام وچ برطانوی ادارے 50ویں نمبر تے رکھیا ہے ایںحوالے نال حکومت اپنڑا موقف پیش کرے۔