اسلام آباد ۔ 12 جون(اے پی پی) آندے مون سون اچ جولائی، اگست تے ستمبر دے دوران ملک اچ معمول توں 10 توں20 فیصد ودھ بارشاں دی توقع ہے، محکمہ موسمیات ایں دوران پنجاب،خیبر پختونخوا، آزاد جموں و کشمیر، سندھ اتے شمال مشرقی بلوچستان اچ معمول توں ودھ بارشاں دا امکان ظاہر کیتے جڈانجو آندے ڈو ڈینھ اچ کشمیر، اسلام آباد، بالائی پنجاب، ہزارہ ڈویژن اچ کتھائیں کتھائیں جڈانجو بالائی خیبر پختونخوا، فاٹا، جنوبی پنجاب، بالائی سندھ اتے شمال مشرقی بلوچستان اچ کجھ جاہیں تے گرد آلود/تیز ہوائیں /اندھاری اتے گرج چمک دے نال بارش دا امکان ہے ، بارش اتے تیز ہوائیں دے نال گرمی دی اجوکی شدت اچ بئی گھٹکی تھی ویسی ۔ رپورٹ دے مطابق آندے 24گھنٹیاں اچ ملک دے بہوں سارے علاقیاں اچ موسم گرم اتے رُکھا راہسی ، جڈانجو راولپنڈی، سرگودھا، گوجرانوالہ، لہور، فیصل آباد، ساہیوال، بہاولپور، ملتان، ہزارہ ، مالاکنڈ، پشاور، کوہاٹ ، بنوں ڈویژن، اسلام آباد، بالائی فاٹا، کشمیر اتے گلگت بلتستان اچ کجھ جاہیں تے گرد آلود/تیز ہوائیں /اندھاری اتے گرج چمک نال بارش دا امکان ہے۔گزریل 24گھنٹیاں اچ ملک دے بہوںسارے علاقیاں اچ موسم گرم اتے رُکھا ریہے ۔ جڈانجو مالاکنڈ، ہزارہ، بہاولپور ڈویژن، بالائی فاٹا، کشمیر اتے گلگت بلتستان اچ کجھ جاہیں تے بارش تھئی ہے ۔ ساریاں توں ودھ بارش بہاولپور اچ 29 ملی میٹر، پارہ چنار 08، کالام، بالاکوٹ01، مظفر آباد02 ،گوپس 03،بونجی 02 اتے گلگت اچ 01 ملی میٹر بارش ریکارڈ کیتی گئی۔
