آندے 48گھنٹے دے دوران سندھ ،بلوچستان ،پنجاب ،خیبر پختونخوا ،فاٹا تے کشمیر اچ کتھائیں کتھائیں اندھاری ،تکھی ہوا تے کھمنڑ دے نال ساونڑدے مینھ وسنڑ داامکان ہے،محکمہ موسمیات

اسلام آباد ۔ 27 جون(اے پی پی) ساونڑ دیاں ہوائیں پاکستان اچ داخل تھیندیاں پیاں ہن جیرھیاں جو ملک دے مختلف علاقیں اچ مینھ وسنڑ دا امکان ہے کراچی اچ سمندری ہوا بند تھیونڑ پاروں حبس اچ ودھارا تھیسی ،محکمہ موسمیات دے مطابق آندے 48گھنٹے دے دوران سندھ ،بلوچستان ،پنجاب ،خیبر پختونخوا ،فاٹا تے کشمیر اچ کتھائیں کتھائیں اندھاری ،تکھی ہوا تے کھمنڑ دے نال ساونڑدے مینھ وسنڑ پیش گوئی کیتی ہے ۔رپورٹ دے مطابق مکران مکران، قلات، سبی، نصیرآباد ڈویژن اچ بہوں جہیں تے جڈاں جو راولپنڈی، گوجرانوالہ، لاہور، سرگودھا، فیصل آباد، ساہیوال، بہاولپور، ملتان، ڈی جی خان ڈویژن، اسلام آباد، میرپور خاص، حیدر آباد، کراچی، سکھر، شہید بینظیر آباد ڈویژن، ہزارہ، مالاکنڈ، پشاور، کوہاٹ، مردان، بنوں، ڈی آئی خان ڈویژن، فاٹا، کوئٹہ، ژوب ڈویژن، کشمیر تے گلگت بلتستان اچ کتھائیں کتھائیں تکھی ہوا اتے تے کھمنڑ دے نال مینھ وسنڑ دا امکان ہے ۔محکمہ موسمیات دے مطابق گزریل 24گھنٹے دے دوران ملک دے بہوں سارے علاقیاں اچ موسم خشک رہیا ۔تاں جو سرگودھا، گوجرانوالہ، راولپنڈی، مالاکنڈ، کوئٹہ ڈویژن، کشمیر، اسلام آباد تے فاٹا اچ کجھ جہیں تے تکھی ہوا دے نال مینھ وسیا ۔ ساریں توں ودھ مینھ پاراچناراچ 50 ملی میٹر، دیر2، سرگودھا56، چکوال16، اسلام آباد 6، منڈی بہاولدین 12، کوٹلی4، اتے بارکھان اچ ہک ملی میٹر ریکارڈ کیتی گی ۔