اسلام آباد ۔ 04جون(اے پی پی) وفاقی وزیر خزانہ محمد اسحاق ڈار آکھے جو اپریشن ضرب عضب کامیابی دے نال جاری ہے اتے ہنڑ اخیری مرحلے اچ ہے جیندے اُتے افواج پاکستان مبارخ دی مستحق ہن ۔ آپریشن ضرب عضب اچ کامیابی نال ملک اچ استحکام ، سرمایہ کاری اچ بہتر ی اتے دہشتگردی دے خلاف جنگ اچ تھیونڑ آلے اقتصادی نقصاٰنات گھٹ کرنڑ اچ مدد ملسی ۔ نہاں اے گالھ چھنڑ چھنڑ کوںاتھاں بجٹ توں بعد ہک پریس کانفرنس نال خطاب اچ آکھی۔ وزیر خزانہ آکھیاجو دہشتگردی دے خلاف جنگ دی بنیادتے پاکستان کوں 118ارب ڈالر دا نقصان تھئے ۔ 9/11دے بعد اوں ویلے دی قیادت ہک ٹیلی فون کال تے سب کجھ سٹ ڈتا ، جڈانجو دنیا توں وعدہ گھنڑاں چاہیدا ہئی جو دہشتگرد ی اچ جاری جنگ پاروں پاکستان کو ں تھیونڑ آلے معاشی نقصانات پورے کیتے ویسن۔ انہاں آکھیا جو ہنڑ آپریشن ضرب عضب پاروں کامیابیاں ملیاں ہن ۔اے آپریشن جتنا ودھ کامیاب ہوسی ملک اچ اتنا ودھ استحکام امسی ۔
