اسلام آباد ۔ 23 جون(اے پی پی) اجوکے سال 2015-16دے دوران موبائل فونز دی در آمدات اچ 5.11فیصد ودھارا تھیا ہے ۔ ادارہ برائے شماریات پاکستان ( پی بی ایس) دے اعدادو شمار دے مطابق جاری مالی سال دے پہلے 11مہینے اچ جولائی توں مئی دے دوران 687.249 ملین ڈالر دے موبائل فونز درآمد کیتے گے ہن جڈاں جو گزریل مالی سال 2014-15ءدے ایں عرصے دے دوران موبائل فونز دی درآمدات دا حجم 653.813 ملین ڈالر ریکارڈ کیتا گیا ہا ۔ پی بی ایس دی رپورٹ دے مطابق ٹیلی کام دے شعبے دی مجموعی درآمدات اچ 0.66 فیصد دی گھٹکی واقع تھی ہے اتے جاری مالی سال دے پہلے 11مہینے دے دوران 1.256ارب ڈالر دیاں درآمدات کیتیاں گیاں جڈاں جو گزریل مالی سال دے ایں عرصے دے دوران ٹیلی کام دے شعبے دی مجموعی در آمدات دا حجم 1.265ارب ڈالر ریکارڈ کیتا گیا ہا۔
