استنبول۔ 28 جون (اے پی پی) ترکی دے صدر رجب طیب اردوان دہشت گرد حملے دی ودھ ساری مذمت کریندے ہوئیں عالمی برادری توں تعاون دی اپیل کیتی ہے ۔ترک ذرائع ابلاغ دے مطابق صدر رجب طیب ا ردوان ولوں جاری کردہ اعلامیے اچ استنبول اچ اتاترک ہوائی اڈے تے دہشت گرد حملے پاروں 50لوکاں دی ہلاکت دی مذمت کریندے ہوئیں آکھیا جو استنبول اچ تھیونڑ آلے بم کہیں ڈوجھے ملک دے شہر دے ایئر پورٹ تے وی تھی سگدے ہن ۔انھاں آکھیا جو او سارے ملکاں کوں بنی نوع انساناں دے خلاف انہاں حملیں دا سدباب کرنڑ سانگے سانجھی کوشش کرنڑ دی اپیل کریندوں ۔
