اسلام آباد ۔ 21 جون(اے پی پی) جاری سال 2016ءدی پہلی سہہ ماہی دے دوران اسلامی بینکاری دی صنعت حکومتی پیپرز وچ 155 ارب روپے دی سرمایہ کاری کیتی ہے۔ سٹیٹ بینک آف پاکستان دی رپورٹ دے مطابق مارچ2016ءدی چھیکڑ تے اسلامی بینکاری دے اثاثہ جات 1.625 کھرب روپے اتے ڈیپازٹس 1.336 کھرب روپے تائیں ودھ گئے جڈانجوبینکاری دے شعبہ وچ اسلامی بینکاری دے شعبہ دے اثاثہ جات اتے ڈیپازٹس دی شرح بالترتیب 11.4 فیصد اتے 12.9 فیصد تائیں ودھ گئی۔ رپورٹ دے مطابق ترائے مہیناں دے دوران بینکاری دے شعبے توں مجموعی طور تے ہک فیصد دی شرح نال ترقی کیتی ہے۔ سٹیٹ بینک آف پاکستان دے عداو شمار دے مطابق جنوری توں مارچ 2016ءدے دوران اسلامی بینکاری دے شعبہ ولوں حکومتی پیپرز وچ کیتی گئی 155 ارب روپے دی سرمایہ کاری نال مارچ دے چھیکڑ تے اسلامی بینکنگ دے شعبے دی مجموعی سرمایہ کاری 586.9 ارب روپے تائیں پج گئی جیرھی دسمبر 2015ءدے چھیکڑ تے 431.9 ارب روپے ہائی۔ ایں طرح جاری سال دے ابتدائی ترائے مہیناں دے دوران گورنمنٹ سیکورٹیز وچ کیتی ونجنڑ آلی اسلامی بینکاری دی سرمایہ کاری دی شرح وچ35.8فیصد دا ودھارا ریکارڈ کیتا گیا ہے۔ گزریل کجھ سالاں دے دوران اسلامی بینکاری دے شعبے نمایاں ترقی کیتی ہے اتے مختصر عرصے دے دوران پورے ملک وچ اسلامی بینکاری دی خدمت دی فراہمی دے حوالے نال برانچز وچ آئے ڈینھ ودھارا تھیندا پئے۔
