افغانستان کوں او لوک گمراہ کریندے پئن جیڑھے ایں خطے اچ امن نی ڈیکھنڑ چاہندے،پاکستان سرحد دے آر پار نقل و حرکت کوں ریگولیٹ کرنڑ سانگے پر عزم اے،ترجمان دفتر خارجہ دی ہفتہ وار پریس بریفنگ

اسلام آباد ۔ 16 جون(اے پی پی)دفتر خارجہ دے ترجمان آکھیا جو افغانستان کوں او لوک گمراہ کریندے پئن جیڑھے ایں خطے اچ امن نی ڈیکھنڑ چاہندے،پاکستان سرحد دے آر پار نقل و حرکت کوں ریگولیٹ کرنڑ سانگے پر عزم اے،جڈاں تئیں نقل و حرکت کوں ریگولیٹ کائنا کیتا ویسی انسداددہشت گردی دی کوششاں نتیجہ خیز نی تھی سگدی،افغانستان نال مختلف سطح تے رابطے جاری ہن ،بھارت نال جڈاں وی مذاکرات تھیے کشمیر دا مسئلہ چاتا ویسی،پاکستان اگلے مہینے شنگھائی تعاون تنظیم دا باضابطہ رکن بنڑ ویسی ۔چین پاکستان دا قابل اعتماد اتے قابل بھروسہ دوست اے ،یکا اتے ہر معاملے تے پاکستان دا ساتھ ڈتے۔سارک اچ توسیع دی تجویز اے۔خمیس کوں ہفتہ وار پریس بریفنگ ڈیندیں ہوئیں اتے صحافیان دے سوالاں دا جواب ڈیندیں ہوئیں ترجمان محمد نفیس زکریا آکھیا جو افغانستان اساڈا پڑوسی ملک اے اتے افغانستان نال اساڈی خصوصی وابستگی اے۔ڈوہاں مک تاریخی،ثقافتی لحاظ نال رشتیاں اچ جڑیے ہن ۔ترجمان طورخم تے اجوکے تناوکے بارے ہک سوال دے جواب ڈیندیں ہوئیں آکھیا جو افغانستان نال مختلف سطح تے رابطے جاری ہن اتے مذاکرات جاری ہن اتے اساں کہیں نہ کہیں نتیجے تے پجسوں۔انہاں آکھیا جو جڈاں تئیں بارڈر منیجمنٹ نی تھیندی اے کوششاں پوری نی تھی سگدیاں۔امریکی امداد کوں حقانی نیٹ ورک دے خلاف کاروائی نال مشروط کرنڑ بارے ہک سوال تے ترجمان آکھیا جو امریکی سنییٹ ایں معاملے اچ کوئی نویں حدود مقرر کائنی کیتے بلکہ اے مشقاں پہلے توں موجود ہن اتے ہنڑ وی ہن ۔ترجمان آکھیا جو امریکہ سمیت پوری دنیا دے سارے ملکاں دہشت گردی دے خلا ف جنگ اچ پاکستان دی قربانیاں دا اعتراف کیتے۔